Әлеуметтік желіде марқұмның әйелі мәлімдеме жасады. Бұл жайтқа қатысты Алматы әкімі Бақытжан Сағынтаев пікір білдірді.
Оның айтуынша, оқиға 22 ақпанда болған. Бірақ күдіктіні жұмыстан қағаз жүзінде оқиғадан күні бұрын шығарып жіберген.
«Мен Әбдірешева Ажар Жанасбекқызы, марқұм Байниязов Кенже Мұратбекұлының жары. Бүгін жұбайым қайтыс болғалы жеті күн өтті. Қала әкімдігі өз қызметкерінің кісі өліміне қатысы бар-жоғына әлі ешқандай түсінік берген жоқ. Керісінше, менде қылмыскердің кісі өлімінен кейінгі күннен бұрын жұмыстан шығарылғаны туралы ақпарат бар, яғни 18 ақпан. Қала әкімдігі, атап айтқанда, кісі өлтіруші жеке жүргізушісі болған әкімдіктің бас бухгалтері өз қызметкерінің қылмысқа қатысты екенін жасыру үшін қолдан келгеннің бәрін жасап жатыр.
Қазіргі уақытта адам өлтірілген қару табылған жоқ. Алматы әкімдігіне тиесілі автокөлік қылмыс болған жерде тұрды, яғни кісі өлтіруші қылмыс орнына қызметтік автокөлікпен барған. Бұл 22 ақпандағы жағдай бойынша ер адам әкімдік қызметкері болғанының дәлелі», – дейді әйел.
Келіншектің шағымына Алматының әкімі Бақытжан Сағынтаев жауап берді.
«Алматылық Ажар Әбдірешеваның өтінішімен оның жұбайын өлтіру дерегі бойынша істі жеке бақылауыма алдым. Күдікті қамауға алынды. Қалалық Полиция департаментінің басшысы Қ.Таймерденовке тергеудің жан-жақтылығы мен объективтілігін қамтамасыз етуді тапсырдым. Марқұмның отбасы мен жақындарына көңіл айтамын», – деді әкім.
Алматы полиция департаменті өкілі бұл факт Алатау аудандық полиция басқармасы ҚК-нің 99-бабы «Кісі өлтіру» дерегі бойынша тергеліп жатқанын хабарлады.
«Күдікті анықталып, медицина мекемелерінің біріне жатқызылды. Бұлтартпау шарасы ретінде жанына күзет қойылды. Тергеу объективті және жан-жақты қарастырылып, қағидаға сәйкес жүргізіледі. Тергеу барысы Алматы ПД басшылығының бақылауында» делінген полиция мәлімдемесінде.