Бүгін футзалдан УЕФА Чемпиондар лигасының жартылай финалы аясында Алматының «Қайрат» клубы Испанияның «Барселона» командасымен кездеседі. Ойын Хорватияның Задар қаласында өтеді. Матчты Qazsport арнасы тікелей эфирде түнгі 00:00-де көрсетеді. Жеңімпаз екінші жұптағы Португалияның «Спортинг» пен Испанияның «Интер» командаларының біреуімен финалда кездеседі. Шешуші ойын 3 мамырда өтеді. Ширек финалда «Қайрат» Португалияның «Бенфика» клубынан басым түскен. Ал «Барселона» Словенияны «Добовец» клубын қапы қалдырды.