Португалия құрамасының шабуылшысы Криштиану Роналду ұлттық командалардағы гол салудан әлемдік рекорд орнатты. Рекордтық көрсеткіш 2022 жылғы Әлем чемпионатының іріктеу турнирінде Ирландия құрамасымен болған матчта болды, – деп хабарлайды Vesti.kz. Фаруда өткен А тобының кездесуі 2:1 есебімен аяқталды. Жеңімпаздар құрамында Роналду дубль жасады (89-шы және 90+6-шы минут), жеңілгендер арасында Джон Иган (45) көзге түсті. Роналду бұл матчта құрама үшін 110 және 111-ші голды салды және ирандық Али Даеяның (109) жетістігінен асып түсіп, осы көрсеткіш бойынша әлемдік рекорд орнатты. Сонымен қатар ойында португалдық 15-минутта пенальти жасаған жоқ. Ол 18 жастағы қақпашы Гэвин Базунадан айласын асыра алмады.