Жол апаты салдарынан бір адам оқиға орнында қаза тапты.
Қарағанды – Саран – Шахтинск тасжолында Nissan Sunny көлігі мен ПАЗ автобусы соқтығысты. Nissan Sunny көлігінің 33 жастағы жүргізушісі жолдың қарсы жолағына шығып кеткен.Жол апаты салдарынан жеңіл көліктің жүргізушісі оқиға орнында қаза тапты. Оның мәйітін құтқарушылар көліктен шығарды.
«Автобуста бес адам болған. Олар зардап шеккен жоқ. Полиция істі тіркеп, сараптамалар тағайындады», – деді полицей.