Дүниежүзілік бокс ұйымы (WBO) 2021 жылғы барлық салмақ дәрежесіндегі рейтингтердің соңғы нұсқасын ұсынды. Екінші орта салмақта Айдос Ербосынұлы алтыншы орыннан бесінші орынға көтерілді. Бұл дивизиондағы ТОП-3 британдық Зак Паркер, АҚШ-тан келген Дэвид Бенавидес және канадалық боксшы Дэвид Лемье. WBO әлем чемпионы мексикалық Сауль «Канело» Альвареске тиесілі. Орта санатта Жәнібек Әлімханұлы мексикалық Хайма Мунгиядан кейін екінші орында қалды. Үшіншісі – бразилиялық Эскива Фалькао. Қанат Ислам бесінші орыннан сегізінші орынға сырғыды. WBO әлем чемпионы – Деметриус Андраде.