Кеше Ұлттық кітапханада "Көкжиек-Горизонт" баспасының қолдауымен белгілі ғалым, философия ғылымдарының докторы, профессор Абуов Айдар Парқұлұлының "Қожа Ахмет Ясауидің дүниетанымы" және "Духовное наследия Ясави" кітаптарының тұсаукесер рәсімі өтті. Іс-шараға белгілі қоғам қайраткерлері, ғалымдар ҚМДБ-ның өкілдері және студенттер қатысты.
Кітапта, қазіргі қазақ халқымен қатар бауырлас түркі халықтарының өзіндік санасының тарихи және рухани тамырларын зерттеу бойынша зерттеулер жүргізілген. Еңбекте әр халықтың ата-баба тамырын, рухани кодын түсінуге және сол арқылы өзіндік ұлттық сана-сезімін нығайтуға бағытталған тарихи оқиғалар баяндалады. Ұсынылған кітапта ұлы Түркі ағартушысы, ислам дәуірінің ақыны, ойшылы Қожа Ахмет Ясауи рухани мұрасының негізгі ережелері ашылған.