Халықаралық футбол қауымдастықтары федерациясы жаңартылған рейтинг жариялады. Қазақстан футбол федерациясы хабарлауынша, ұлттық құрама жаңартылған рейтингте үш сатыға жоғарылап, 112-орынға жайғасты. Магомед Адиев жаттықтыратын Қазақстан құрамасы наурызда 2024 жылғы Еуропа чемпионаты іріктеу кезеңі аясында екі ойын өткізген еді. Алғашқы матчта Словенияға (1:2) есе жібергенімен, кейін Даниядан (3:2) басым түсті. Рейтинг бойынша, 1840.93 ұпаймен Аргентина құрамасы көш бастап тұр. Одан кейін Франция мен Бразилия бар. Ал Бельгия мен Англия үздік бестікті түйіндейді.