Синоптиктердің болжауынша, 23-26 сәуір аралығында қардың еруі мен қар жамылғысының тұрақсыз болуына орай қар көшкіні жүру қаупі бар, – деп хабарлайды Алматы қалалық Төтенше жағдайлар департаменті.
Ведомствоның ақпаратында «Космостанция» автожолындағы Аюсай бөгетінен жоғары және «Шымбұлақ – Тұйықсу мұздығы», «Эдельвейс», «Бутаковка», «Қимасар» шатқалдарында блокпостар орнатылды», – делінген.
Қар көшкінінің 20-дан астам профилактикалық түсуі жүргізіліп, жару әдісімен 50 мың текше метрден астам қар массасы тау етегіне түсірілген.