Батыс Қазақстан облысында кішкентай бала құдыққа құлап, көз жұмды.
БҚО Полиция департаментінің баспасөз қызметінің мәліметінше, оқиға 14 маусым күні Жәнібек ауданы Жәнібек ауылында болды.
«Шамамен сағат 22.00-де 2021 жылғы 6 шілдеде дүниеге келген ұл бала Ғ.Қараш көшесі, 61 мекенжайы тұсында тереңдігі 2 метр, ашық жатқан, су толы құдыққа құлап кеткен. Бала Жәнібек аудандық орталық ауруханасына жеткізілгенмен, есін жия алмастан қайтыс болды. Қазіргі кезде аталған оқиға бойынша сотқа дейінгі тергеу амалдары жүргізіліп жатыр. Сот-медициналық сараптама тағайындалды», – деп хабарлады ведомстводан.
Тұрғындардың айтуынша, бала аудан әкімдігі ғимаратының артында орналасқан құдыққа түсіп кеткен.