Атырау облысында Каспий жағалауындағы бірнеше күнге созылған қамыс өрті сөндірілді.
Атырау облыстық төтенше жағдайлар департаментінің қоғаммен байланыс тобынан мәлім еткендей, бүгін, 13 шілдеде сағат 16:00-де қамыс өрті сөндірілген.
«Қазақстан Ғарыш сапары» ҰК» АҚ-ның ғарыш мониторингіне негізделген «Ақжайық» мемлекеттік табиғи резерватының ақпаратына сәйкес, қамыс өртінің жалпы ауданы 910 га болған. Өрт сөндірушілер 7 күн бойы отпен арпалысты. Күннің аптап ыстығы мен аумақтың сулы, батпақты жерінде қалың өскен қамыс өртін тез сөндіруге кедергі келтірген.
Каспий теңізінің жағалауындағы қамыс өрті 6 шілдеде анықталған еді.