Атырауда аутизм және сал ауруына шалдыққан балалар үшін тегін түзету орталығы ашылады.
Бұл ерекше балаларға арналған Атыраудағы алғашқы түзету орталығы. №3 Арнаулы әлеуметтік қызметтер көрсету орталығының базасында ашылатын күндізгі стационарға бір уақытта 30 бала жүгіне алады.
«Жаңа орталықта аутизм диагнозы қойылған және церебральді сал ауруына шалдыққан, тірек-қимылы бұзылған балалар тегін ем алады. Мамандар балалармен жеке-жеке жұмыс жасайды. Белгіленген уақыт бойынша әр балаға 3 сағат бөлінеді. Оларға әзірге 45 күндік ем-шара курсын жоспарлап отырмыз, - дейді №3 Арнаулы әлеуметтік қызметтер көрсету орталығының басшысы Анар Маратова.
Белгілі болғанындай, орталық мамандары қайта даярлаудан өткен. Алдағы уақытта, қажеттілік туындаған жағдайда қосымша штаттар ашылады.
Баян Жанұзақова