Түркістан облысында 29 жастағы қыз құдық құбырына құлап кетті, – деп хабарлады Aikyn.kz.
Облыстық ТЖД-ның мәліметінше, бүгін сағат 9:18-де 1994 жылы туған қыздың Түркістан облысы Майтөбе ауылының маңындағы ашық алаңда орналасқан дренаждық құдыққа құлағаны туралы хабар түскен. Сағат 12:06-да жергілікті тұрғын құдыққа түсіріліп, 12:14-те қызды құдықтан ес-түссіз күйде шығарып алды.
Құтқару жұмыстарына ТЖД-ның, жедел жәрдемнің, полицияның 31 адамы және 5 техникасы жұмылдырылды.