Қазақстан Нидерландыны мерзімінен бұрын жеңіп, Дэвис Кубогының ақтық кезеңіне өтті, деп хабарлайды Vesti.kz. Нұр-Сұлтанда өткен кездесуде Юрий Щукиннің шәкірттері 3:1 есебімен жеңіске жетті. Қазақстандық теннисші Александр Бублик үшінші жеңісіне қол жеткізді. Ол Робин Хасемен кездесіп, оны екі сетте жеңді - 7:6 (7:4), 6:1. Нұр-Сұлтандағы кездесу Хасе мен Михаил Кукушкиннің матчымен басталды. Нидерландық қонақ 6:4, 6:7, 6:3 есебімен отандасымыздың алдын орап кетті. Алайда, Бублик Таллон Грикспурды 7:6, 7:6 жеңіп, есепті теңестірді. 7 наурыз күні кортқа Андрей Голубев пен Александр Недовесов шықты. Олар нидерландтықжұп Жан-Жюльена Ройена мен Робин Хаседен 6:3, 6:3 есебімен басым түсті. Осылайша, Қазақстан 23-29 қараша аралығында Мадридте өтетін Дэвис Кубогының ақтық кезеңіне жолдама алды.