Онда Головкин чемпионға ағалық ақылын жеткізеді, - деп хабарлайды Aikyn.kz.
– Адамдарды көп тыңдай берме. Сен жайлы әлі әдемі сөздерді айтады талайы. Олар көп болады әрі. Өзімнен көргенімді айтып отырмын. Ақыр соңында, өз-өзіңмен жалғыз қаласың. Ешкімге керек болмай қаласың. Отбасыңнан басқа. Кейін менің орнымда тұрармысың… – дейді Головкин Сметовке.
Осыдан кейін екеуі төс қағыстырып, бір-біріне құрмет көрсетеді.
Еске сала кетейік, күні кеше дзюдодан Париж Олимпиадасында 60 келідегі Елдос Сметов финалдық белдесуде жарыс қожайыны Лука Мхеидзені вазари әдісімен жеңді.
Финалдық белдесулерді Франция президенті Эмманюэль Макрон арнайы барып, тамашалаған еді. Сметов бұған дейін екі Олимпиадада күміс және қола медаль алған еді.