Астанада Қабанбай батыр даңғылының бір бөлігі 30 желтоқсанға дейін 105-ші LRT желісі стансасындағы қоршауларды бөлшектеуге байланысты жабылады, – деп хабарлайды Aykin.kz.
"Астана Жұлдызы" аялдамасынан Хусейн бен Талал көшесіне қарай Қабанбай батыр даңғылы бойындағы жолдың бір жолағын 100 метрге ішінара жабу жоспарланып отыр", – делінген City Transportation System компаниясының мәлімдемесінде.
Айта кетейік, бұған дейін Астанада №116 және №117 стансалар арасындағы LRT эстакадасының учаскесінде алғашқы 500 метр рельс жолын төсеу жұмыстары аяқталғаны туралы жазған едік.