Алматы қалалық полициясы желтоқсан айының басында айдауыл қызметінің көлігінен қашып кеткен ер адамға іздеу жариялаған болатын. Бүгін оның Алматы облысында ұсталғаны туралы ақпарат тарады, – деп хабарлайды Aikyn.kz Zakon.kz-ке сілтеме жасап.
1996 жылғы азамат Әубәкір Қ. Е. Алматы облысының аумағында ұсталған. Полиция бұған дейін күдіктінің басқа біреудің мүлкін ұрлағаны үшін сотталғанын еске салды.
– Қазіргі уақытта қашу фактісі бойынша сотқа дейінгі тергеу шаралары жүргізілуде, – деп мәлімдеді Алматы қалалық ПД баспасөз қызметі.
Сотталушының қашқаны туралы 4 желтоқсанда белгілі болды. Сол кезде полиция бөтеннің мүлкін ұрлап, ұсталған соң айдауыл қызметінің көлігінен қашқан сотталушыны жедел-іздестіру іс-шаралары кешені жүргізіліп жатқандығын хабарлаған еді. Қызметтік тексеру де жүріп жатыр.