24 желтоқсан күні Алматыдағы Grand Park сауда ойын-сауық орталығының маңында атыс болды, – деп хабарлайды Aikyn.kz.
Tengrinews.kz мәліметінше, бұл туралы оқиға куәгерлері хабарлаған.
"Гранд Парк маңында атыс болды. Жарақат алғандар бар. Полиция қызметкерлері мен жедел жәрдем келді", – дейді оқиға куәгерлері.
Алматы қалалық Полиция департаментінің мәліметінше, 102-ге Қабдолов көшесінде атыс дауыстары естілгені туралы хабар түскен.
"Патрульдік полиция қызметкерлері 18 жастағы жігітті ұстады, одан сигналдық тапанша табылып, тәркіленді. Әуезов аудандық полиция бөлімі бұзақылық бабы бойынша қылмыстық іс қозғады", – дейді ПД өкілдері.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.