Астанада Нұра ауданы Шыңғыс Айтматов көшесі, 49 мекенжайындағы өз бетінше басталған «Onyx-2» тұрғын үй кешенінің құрылысы тоқтатылды. Заңсыз құрылыс нысаны бұзылып тасталмақ, – деп хабарлайды Aikyn.kz.
Елорда әкімдігінің мәліметінше, қала аумағында тұрғын үй кешендерін заңсыз салу фактілерін анықтау және жолын кесу Астана қаласы прокуратурасының үйлестіруімен жүргізіледі.
Тапсырыс беруші нысанда жерге тиісті құқықсыз, заңда белгіленген тәртіппен сараптамадан өткен жобалау-сметалық құжаттамасыз, техникалық және авторлық қадағалауларды сүйемелдеусіз және құрылыс-монтаждау жұмыстарын жүргізудің басталғаны туралы хабарламасыз құрылыс-монтаждау жұмыстарын бастаған, бұл өз кезегінде «Қазақстан Республикасындағы сәулет, қала құрылысы және құрылыс қызметі туралы» ҚР Заңының талаптарын бұзу болып саналады.
Осылайша, құрылыс салушыларға қатысты Қалалық орта сапасы мен бақылау басқармасы анықталған бұзушылықтарды жою және болдырмау бойынша шаралар қабылдауда.
Еске сала кетейік, нысандарды салу кезінде «Қазақстан Республикасындағы сәулет, қала құрылысы және құрылыс қызметі туралы» Заңы сақталуы тиіс.