Ұлттық статистика бюросы 2024 жылы балаларға қойылған ең танымал есімдердің тізімін жариялады, – деп хабарлайды Aikyn.kz.
Ұлттық статистика бюросы танымал сервистің бірі – «Танымал есімдер» бөлімінің мүмкіндіктерін кеңейтті. Енді қолданушылар сәбилерге ең көп және аз қойылған есімдер туралы толыққанды ақпарат ала алады.
Бұрын «Танымал есімдер» бөлімі тек белгілі бір жыл мен ай ішінде туған ұлдар мен қыздар арасындағы танымал 10 есім туралы ақпарат беріп келген. Қазіргі уақытта кеңейтілген функционал арқасында пайдаланушылар аймен қатар, тоқсан, жарты жыл, жыл немесе нақты уақыт аралығын таңдай алады. Сондай-ақ пайдаланушылар енді туған сәбилерге қойылған ең танымал/сирек есімдері бойынша ТОП-50 тізімін ұлттар мен өңірлер бойынша қарай алады.
2024 жылы, өткен жылмен салыстырғанда, ұлдар есімі арасында болмашы өзгеріс бар. Алғашқы ондықтан Нұрислам есімі шығып қалды. Ал соңғы 10 жыл (2014 жылдан бастап) бойы бірінші орында тұрған Алихан есімін Мұхаммед есімі ығыстырды.
Ұлдар арасында көп таралған 10 есім:
1. МҰХАММЕД
2. АЙСҰЛТАН
3. АЛИХАН
4. МҰХАММАД
5. ОМАР
6. АЛДИЯР
7. АМИР
8. АЛАН
9. АЛИ
10. ХАМЗА
2024 жылы қыздар арасында Мариям есімі тізімнен Амина есімін ығыстырып, алғашқы ондыққа енді.
Қыздар арасындағы ТОП 10 есім:
1. АЙЛИН
2. МЕДИНА
3. АСЫЛЫМ
4. АЙША
5. ТОМИРИС
6. АЯЛА
7. АЙЫМ
8. РАЯНА
9. САФИЯ
10. МӘРИЯМ
Қызмет функционалының кеңеюі арқасында пайдаланушылар танымал есімдердегі өзгерістерді зерттеп, трендтерді және Қазақстандағы есімдерді таңдау мәдени ерекшеліктерін талдай алады. Ұлттық статистика бюросы берілетін ақпараттың сапасын жақсарту және қызметтердің функционалын кеңейту бойынша жұмыстарын жалғастырады.