Azerbaijan Airlines компаниясы Қазаннан Бакуге рейсті тоқтатты. Қазан әуежайының онлайн таблосында деректері көрінбейді. Оның үстіне, 28 желтоқсанда сағат 23:15-те ұшақ ұшуы керек еді. Кейін рейс 30 желтоқсанға ауыстырылды, содан кейін мүлдем тоқтатылды.
InKazan сайтының мәліметінше, мұндай шешім Embraer 190 ұшағы апатқа ұшырауының алдын ала тергеу нәтижелеріне және ықтимал қауіпке байланысты қабылданған. Тоқтатылған рейстің жолаушылары билеттерді айырбастай алады немесе қайтара алады.
Айта кетейік, 27 желтоқсанда Azerbaijan Airlines компаниясы Бакуден мына қалаларға ұшпайтынын хабарлады: Минералды сулар; Сочи; Волгоград; Уфа; Самара. Ал 25 желтоқсанда AZAL компаниясы Бакуден Грозныйға және Махачкалаға ұшуды тоқтату туралы шешім қабылдады.