Аралас жекпе-жек шебері Асу Алмабаевтың UFC-дегі келесі қарсыласы белгілі болды, – деп хабарлайды Aikyn.kz.
Бұл туралы cпортшының командасы Instagram-дағы парақшасында жариялады. Асу Алмабаев (21-2) наурызда өтетін UFC турнирінде чемпиондыққа бұрынғы үміткер аустралиялық Стив Эрцегпен (12-3) жекпе-жек өткізеді.
Аса жеңіл салмақ дәрежесіндегі рейтингте Алмабаев сегізінші, ал Эрцег тоғызыншы орында тұр.
Айта кетейік, Асу Алмабаев 2023 жылы UFC-дегі дебютінде Одди Осборнды тұншықтыру әдісімен жеңді. Ал 2024 жылы Си Джей Вергараны, Хосе Джонсонды және Матеус Николауды төрешілердің шешімімен жеңген.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.