«Қызық премия – 2024» іс-шарасына халық әртісі Роза Рымбаева мен Әзербайжан әншісі Роза Зергерлі қатысты, – деп хабарлайды Aikyn.kz.
Кеште жылдың ең үздік хиті ретінде әзербайжандық әнші Роза Зергерлінің İstədim әні шырқалды. Әзербайжан әншісі сахнаға шыққанда өзінің ана тілінде сөйледі. Ол өзінің есімін Роза Рымбаеваның құрметіне қойылғанын айтқан болатын. Ал Роза Рымбаева сахнаға шығып орыс тілінде сөйлегені үшін сынға қалды.
Әзербайжан әншісі Роза Зергерлі Рымбаеваны сынағандарға жауап берген.
«Менің құрметті достарым, біздің тамырымыз бір, бастысы – осы. Роза ханым бізге көмектесіп жіберді. Залда отырған көрерменнің ішінде мені жақсы көретін, бірақ түсінбеген адам көп болды. Сол себепті мен өзімнің ыстық ықыласымды орыс тілінде жеткізе алдым. Мейірімді болайық», – деп жазды ол.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.