Атырау облыстық Полиция департаменті баспасөз қызметінің ақпаратына қарағанда, Кудряшов селолық округінің аумағында орналасқан Жаңауыл елді мекенінде жанжал туындаған, – деп хабарлайды Aikyn.kz сайты kaz.inform.kz-ке сілтеме жасап.
– Аталған ауылдағы жанжал кезінде 29 жастағы ер адамды өлтірген 30 жастағы күдікті ұсталып, қамауға алынды. Қазір адам өлтіру дерегімен қылмыстық іс қозғалды. Полиция қызметкерлері жанжалға байланысты кешенді тергеу амалдарын жүргізіп жатыр. Жанжал кезінде түрлі дене жарақатын алған 20 және 33 жастағы екі ер адам аудандық ауруханаға жеткізілді, – деп хабарлады департаменттің баспасөз қызметі.
Қазір оқиғаның мән-жайын анықтау үшін тексеру жүріп жатыр. Соңы жанжалға ұласқан құқықбұзушылыққа қатысты 7 күдікті ұсталып, қамауға алынған. Өзге ақпарат тергеу мүддесіне сәйкес жариялауға жатпайды.