Америкалық актриса Дэлис Карри Лос-Анджелестегі алапат өрт салдарынан қаза тапты. Ол «Ағайынды блюз», «Он өсиет» және «Ханым блюзді айтады» фильмдерінде қосымша рөлдерді сомдаған, – деп хабарлайды Aikyn.kz жергілікті ABC7 теларнасына сілтеме жасап.
Өткен сейсенбіде, оқиғадан бір күн бұрын актрисаның немересі әжесімен бірге күні бойы ауруханада болып, артынша оны үйіне апарып, өзі кетіп қалған. Кейін әжесінің үйінде электр қуатын сөнгені туралы хабарламадан оянып, дереу Альтадинаға бет алған. Онда барғанда полиция қызметкерлері үйдің өртеніп кеткенін жеткізген.
Өрт салдарынан көк түсті Cadillac-тан басқа барлық дүние-мүлік отқа оранған. Сол түннен бері Карри жоғалып кеткен.
«Жоғалып кеткен 95 жастағы әжейдің сүйегі Eaton Fire өртінен кейін қираған Альтадиндегі үйінен табылды», – делінген хабарламада.
Америка билігінің мәліметінше, өрттің жалпы ауданы 16 мың гектардан асқан. Калифорнияның оңтүстігін шарпыған өрттен кемінде 24 адам қаза тауып, 12 300-ден астам ғимаратқа, соның ішінде атақты тұлғалардың үйлеріне зақым келген. Метеорологтер өрттің тез таралуына құрғақ және желді ауа райы себеп болғанын айтып отыр.