Украина президенті Владимир Зеленский Ресейдің терең тылындағы нысандарға жасалған соңғы шабуылдар туралы алғаш рет ашық мәлімдеді, – деп хабарлайды Аikyn.kz
Оның айтуынша, украин дрондары мен зымырандары стратегиялық маңызы бар нысандарды дәл көздеп, маңызды нәтижелерге қол жеткізген.
«Біз Ресейдің артқы шебіне соққы жасап жатырмыз. Бұл – Украина қорғанысын күшейтудің және агрессияны тоқтатудың бір жолы», – деді Зеленский.
Президенттің айтуынша, соғыс майданында ғана емес, технология мен бірлескен өндіріс саласында да күрес жүріп жатыр. Украина Батыс елдерімен бірге алысқа ұшатын қару түрлерін жасап шығаруда және бұл – Ресейдің «тәбетін» басудың басты тәсілі.
Сонымен қатар Зеленский Украинада қару-жарақ өндірісі артып келе жатқанын, жаңа келісімдер жасалып жатқанын айтты.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз