Қазақстан Республикасы Білім және ғылым министрлігінің баспасөз қызметі оқу жылының басталуы мен ұзақтығы жайында және каникулдық кезең туралы бұйрық шыққанын хабарлады.
ҚР БҒМ-нің 2019 жылғы 29 шілдедегі "Орта білім беру ұйымдарында 2019-2020 оқу жылының басталуын, ұзақтығын және каникул кезеңдерін айқындау туралы" №337 бұйрығына сәйкес мынадай мерзімдер айқындалды:
1) 2019 - 2020 оқу жылының басталуы - 2019 жылдың 1 қыркүйегі.
2) 1 сыныптарда оқу жылының ұзақтығы - 33 оқу аптасы, 2-11 (12) сыныптарда - 34 оқу аптасы;
- күзгі каникул – 7 күн (28 қазан - 3 қарашаны қоса алғанда);
- қысқы – 10 күн (30 желтоқсан – 8 қаңтарды қоса алғанда);
- көктемгі – 13 күн (21 наурыз – 2 сәуірді қоса алғанда).
1 сыныптарда қосымша каникул - 7 күн (3 - 9 ақпанды қоса алғанда).
Осылайша, оқу жылы 2019 жылғы 1 қыркүйектен басталып, 2020 жылғы 25 мамырда аяқталады.