Алдын ала жарияланған қорытындыда көп дауыс жинаған кандидаттардың есімі белгілі болды. Атап айтқанда, Сәкен Сейфуллин атындағы Қазақ агротехникалық университетінің ректоры Ақылбек Күрішбаев алдын ала нәтижелер бойынша жеңіске жетті. Нұр-Сұлтан қаласынан Сенат депутаттығына кандидат Ақылбек Күрішбаев алдын ала нәтижелер бойынша 75% дауыс жинаған. Елордалық өзге кандидаттар Мейрамбай Оралов пен Мәулен Самамбетов сәйкесінше 15% және 10% дауыс жинаған. Алматылық Сұлтанбек Мәкежанов сайлаушылардың 100% дауысын алған. Шымкентте ең көп дауысты – 72%-пен Айгүл Қапбарова иеленді. Толқын Аюбаева сайлаушылардың 16% дауысын алса, Бектай Ормановқа 12% дауыс берген. Сенат депутаттығына сайлауға түсіп жатқан 46 кандидаттың тек 17-сі ғана депутат бола алады. Орталық сайлау комиссиясы сайлаудың ең соңғы қорытынды нәтижесін 18 тамызда жариялайды.