Бұл туралы Нұр-Сұлтан қаласының бас санитар дәрігері Жанна Пралиева баспасөз конференциясында айтты.
Оның айтуынша, балалармен байланыста болғандардан коронавирус анықталмады.«6 қыркүйектен бастап оқушылар арасында індет жұқтырудың 6 жағдай тіркелді. Оның ішінде, бір бала мектепке барып оқып жүрген, қалған бесеуі қашықтан білім алды», – деді қаланың санитар дәрігері.
«Барлығы 13 бала мен 6 мұғалім тексерілді. Мектеп дезинфекцияланды. Оқушылар мен мұғалімдер үйде карантинде болды», – деді Пралиева.
Бұған дейін бірнеше облыста оқушылар арасында коронавирус таралғанын жазған болатынбыз.