Қостанай қаласының полицейлері екі адамды пышақтап кеткен күдіктіні қолға түсірді, деп хабарлайды облыстық полиция департаментінің баспасөз қызметі. Күдікті жедел-іздестіру шараларын жүргізу кезінде 23 қазан күні облыс орталығында қолға түсті. Қылмыс 21 қазан күні сағат 23:00 шамасында Қостанай қаласындағы әл-Фараби көшесінде болған. Күдікті аулада отырған екі адамды пышақтап кеткен. 59 жастағы Арқалық қаласының тұрғыны оқиға орнында қаза болды. 61 жастағы екінші жәбірленуші пышақ жарақатымен ауруханаға жеткізілді.
«28 жастағы Қостанай қаласының тұрғыны жәбірленушілермен жанжалдасып қалған. Артынша екеуін пышақпен ұрған. Қазіргі уақытта аталған факті бойынша ҚР ҚК 99-бабы 2-бөлігімен сотқа дейінгі тергеу амалдары жүргізілуде, күдікті ұсталды» делінген полицияның баспасөз хабарламасында.