Үгіт-насихат жұмыстары жүргізіліп жатыр

12 желтоқсан күні «Nur Otan» партиясы Казталов аудандық филиалы атынан аудандық мәслихат депутаттығына үміткерлер Қайрат Жакупов, Мирлан Құсайынов, Сайда Сейтжанова, Гүлдана Даулетова С.Садықов атындағы мәдени-демалыс орталығында болып, Казталов ауылдық округінің тұрғындарына үгіт-насихат жұмыстарын жүргізді. Үміткерлер сайлау науқанының еліміздің болашағы үшін маңызды екенін ескеріп, «Nur Otan» партиясының осы уақытқа дейінгі атқарған жұмыстарымен таныстырды, алдағы сайлауда партияны қолдауға шақырды. Үгіт-насихат жұмыстарының басты бағыты – «Nur Otan» партиясының алдағы бес жылдыққа арналған бағдарламасын кеңінен насихаттау. Сонымен қатар үміткерлер өздерінің сайлауалды бағдарламаларында көрсетілген бағыттар бойынша да түсіндіру жұмыстарын жүргізді. Үгіт-насихат жұмыстары барысында тұрғындар үміткерлерге көкейдегі сауалдарын қойып, тиісті жауап алды.

Асылбек НӘСІПҚАЛИ

Тапсырыс беруші: Бекмулдин Ерболат Мұратқалиұлы.

"Nur Otan" партиясының Батыс Қазақстан облысы

Қазталов ордасы ауданының сайлау қоры қаражатының есебінен төленді.