«Қазақстан» орталық концерт залында «Дегдар» гуманитарлық қорының ұйымдастыруымен «Сиқырлы әуен» қайырымдылық кеші өтті.
Кеште Дариға Назарбаева, Медет Шотабаев, Азамат Жылтыркөзов, Азат Мәлік және Forte Trio, «Астана опера» театрының хоры, симфониялық оркестрі өнер көрсетті.
Жиналған қаржыны ата-ананың қамқорлығынсыз қалған балаларға үлестіреді. Биыл қайырымдылық шарасына атсалысқан жомарт жандардың қарасы көп болды.
«Дегдар» гуманитарлық қорының директоры Лаура Ахметованың айтуынша, мұндай кештердің рухани, әлеуметтік маңызы зор.
– Фестиваль аясында қаншама әсем әуен шырқалды. Танымал өнер адамдарымен қатар, мүмкіндігі шектеулі жандар да өнер көрсетті. Біз осы өнер туындылары жобаға қатысқан әрбір балаға қанат бітіріп, арманының орындалуына септігін тигізсе екен деп сенеміз, – деді Лаура Ахметова.
Фотоларды түсірген: Советбек Мағзұмов