Облыстық сайлау комиссиясының төрағасы Тілеген Қаскиннің өңірлік коммуникациялар қызметінде сайлау учаскелерінің ашылуы туралы өткізген брифингінде сағат 7.00-де барлық 174 сайлау учаскесінде дауыс беру басталғаны белгілі болды.
Облыс бойынша сайлау бюллетеньдеріне 214 кандидаттың аты-жөні енгізілді. Үш округте бір орынға 2 кандидаттан, 64 округте – 3 кандидаттан және төрт округте – 4 кандидаттан үміткер бар.
«Барлық сайлау учаскелерінде сайлау комиссиялары толық құрамда жұмыс істейді», – деді төраға.
Сайлаушылардың белсенділігі туралы ақпарат сағат 10.00-ден бастап әрбір екі сағат сайын ұсынылып отырмақ. Сайлаушылардың сайлау учаскелеріне келуінің алдын ала қорытындылары сағат 22.00-де белгілі болады.
Роза ШӘКЕН