Оқыс оқиға Алматы облысындағы Көкдала ауылында болған. Ойнап жүрген үш жасар қыздың аяғы тайып кетіп, тереңдігі 3 метр болатын дәретхана шұңқырына құлап кеткен, – деп жазады zakon.kz. Сол маңайда он шақты бала ойнап жүрген. Бір топ баланың ішінде 10 жастағы Әлихан ғана елден бірінші көмекке ұмтылған. Арқанмен дәретхананың шұңқырына түскен. Әлихан шұңқырдың түбінде тұрып, қызды белінен арқанмен байлап, жоғарыға жіберген. Газға тұншығып қалуы да мүмкін еді. Осылайша, он шақты бала кішкентай қыздың өмірін сақтап қалды.