Экс-саясаткердің баспасөз қызметінің хабарлауынша, 4 сәуірде Мәсімовтің америкалық Джонс Хопкинс университетінің дәрігері, доктор Эрнест Браун медициналық дәлелдемелер келтіріп, Мәсімов қамауда отыра берсе, тиісті медициналық қызметтер көрсетілмеген жағдайда жағдайы нашарлауы мүмкін екенін айтқан.
Комитеттің бұрынғы басшысы 2023 жылдың қаңтарында шұғыл операциядан аман қалғаны айтылады. Оның созылмалы жүрек ауруы бар.
Айта кетерлігі, Қазақстан заңнамасы ауыр науқасқа шалдыққан азаматтар ауыр қылмыс жасаса да, қалған күндерін туыстарымен бірге өткізуге мүмкіндік береді.
Егер сарапшылар Мәсімовтің ауыр науқас екенін дәлелдесе, ол Қазақстанның басқа азаматтарымен бірге бұл құқықты талап ете алады.
Еске салайық, Кәрім Мәсімов Қаңтар трагедиясы болған өткен жылдың қаңтарынан бері ел алдына шықпаған болатын.
2022 жылдың 18 қарашасында Астанада оның ісі бойынша сот отырысы басталды. Сот отырысы жабық форматта «өте құпия» өтуде.
Кейбір қазақстандықтар Мәсімовтің қамауда екеніне күмәнданады.