Алматыда мефедрон сатумен айналысқан жігіт 10 жылға бас бостандығынан айырылды.
«Медеу соты А. есімді жас жігітті соттады. Ол Telegram-да Cesare интернет дүкені арқылы өткізу курьері ретінде жұмысқа қабылдау туралы хабарландыруды көріп, есірткіні жасырын белгілеп қою арқылы елеулі табыс табуға уәде берген Houston лақап атты адаммен хабарласқан», – делінген хабарламада.
Сонымен қатар жігіттің жалға алған пәтерінен аса ірі көлемде «мефедрон» табылып, оны дайындап, өлшеп-орауды жүзеге асырғаны анықталған.
«Нәтижесінде, сот оны кінәлі деп танып, 10 жылға соттады», – деп хабарлады қалалық прокуратура.