Алматыдағы «Ақкент» тұрғын үй кешеніндегі өрт туралы видеолар әлеуметтік желіде тарап жатыр. Бейнежазбадан тұрғындар балаларды терезеден төсенішке лақтырып жатқанын көруге болады, – деп хабарлайды ҚазАқпарат.
Өрт шарпыған аумақ нақтылану үстінде. Жоғары қабаттардағы адамдарды эвакуациялау және құтқару жұмыстары жүргізіліп жатыр.
ТЖД күшімен баспалдақ арқылы 250-300 адам эвакуацияланды, үш тік саты мен үш автомат саты арқылы 40 адам құтқарылды.
Өрт сағат 18:46-да оқшауланып, көп ұзамай толығымен сөндірілді. 31 адам, оның ішінде 16 бала ауруханаға жеткізілді.
Оқиға орнында қалалық ТЖД күштері мен құралдары сапынан 50 адам және 14 техника жұмыс істеді, оның ішінде 3 автосаты бар.
Еске сала кетсек, бұған дейін Алматыда 16 қабатты тұрғын үй өртеніп жатқаны туралы жазған едік.