27 жастағы Айлуна Рахым өзіне қол жұмсап, көз жұмды. Ол бұл іске айыпты деп, бір жігіттің есімін жазып қалдырған. Бұл туралы марқұм қыздың құрбылары «НеМолчи» қорына жазған, – деп хабарлайды Aikyn.kz.
«Немолчи.кз»-ке 27 жастағы Айлуна Рахым есімді қыздың құрбылары жазды. Айлунаның ата-анасы жоқ. Ол SMM болып жұмыс істеген және қамқоршы апайынан бөлек тұрған.
– 11 маусым күні кешкі сағат 7-де оның денесі табылды. Суицид жасаған қыз хат жазып қалдырған. Ол өз өліміне бір жігітті кінәлайды. Мұқият тергеу жүргізу маңызды. Бізде көп скрин және хабарлама бар, үмітсіздік, қарым-қатынаста проблемалар болғаны анық. Алматы Полиция департаментінен қай бап бойынша іс ашылғанын хабарлауды сұраймыз.
«Үмітсіз – шайтан». Достар, жақындарыңызды, өзіңізді үмітсіз жағдайға душар етпеңіз. Қазір елдің бәрінің жүйкесі жұқарған, адамдар шаршаған. Осындай әдемі, нәзік қыз қайтыс болды. Оған қарапайым ғана қолдау жетпеген. Сондықтан бәріңізден бір-біріңізге мұқият болуды сұраймыз», – деп жазды nemolchikz_official.
Қазақстан суицид бойынша 2023 жылы 178 ел ішінде 19-шы орынға табан тіреген.
«Достар, әр мәселенің шешімі бар. Өзіңе қол жұмсау – мәселенің шешімі емес. Егер сізге қолдау қажет болса, +77051510000 сенім телефонына жазыңыз», – делінген постта.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.