Тағы екі қазақ боксшы чемпионатты сәтті бастады
Ресейде өтіп жатқан әлем чемпионатына қатысып жатқан қазақстандық боксшы Зәкір Сафиуллин сайыстың 1/8 финалына жолдама алды.
Ол екінші кездесуінде канадалық Томас Блуменфельдпен кездесуі тиіс болған. Алайда қарсыласы кездесуге шығудан бас тартып, 63 келіге дейін өнер көрсеткен Сафиуллин келесі кезеңге шықты.
Сафиуллин бірінші кездесуде әзірбайжандық боксшыдан басым түскен болатын. Сондай-ақ Сәкен Бибосынов (52 келі) пен Бекзат Нұрдәулетов те (81 келі) әлем чемпионатындағы кездесулерін сәтті бастады.