Алтын күздің алғашқы айында Сыр маржанына орақ түсті. Берекелі кезеңде ел несібесін қамбаға құйып жатқан шаруашылықтар мол өнім алуға ниетті. Дегенмен, шаруалар биылғы науқанда кесе-көлденең кездескен қиындық көп болғанын жасырмайды.

Көктем жақындағаннан Сыр бойын жағалай қоныстанған жұртшылық сары уайымға салынады. Әсіресе, дария маңындағы елді мекен халқы су шайып кету қаупінен үрей құшағында қалады.