Қытайдан ет пен темекі, Өзбекстанға 91 бас мал алып өту әрекеті кесілді

Ұсталған азаматтар тауарларымен бірге кедендік бекет қызметкерлеріне тапсырылды.

Қытайдан ет пен темекі, Өзбекстанға 91 бас мал алып өту әрекеті кесілді
© сурет ҰҚК баспасөз қызметі

Қорғас шекаралық бақылау жасағының «ШЫХО» шекаралық бақылау өткізу пунктінің шекара наряды 1973 жылы және 1997 туған ҚР азаматтарын ұстады, – деп хабарлайды zakon.kz ҚР ҰҚК ШҚ баспасөз қызметіне сілтеме жасап.

Олардың бірі 12 қорапқа салынған, жалпы салмағы 264 кг үйрек етін, ал екіншісі қытайда жасалған «Милана» маркалы 300 блок темекені шекарадан заңсыз алып өтпек болған. Ұсталған азаматтар тауарларымен бірге кедендік бекет қызметкерлеріне тапсырылды.

Сарыағаш шекара жасағының «Қапланбек» шекаралық бақылау өткізу пунктінен бір түнде екі рет заңсыз жолмен тірідей 91 бас ірі қараны алып өтпек болған 1986 жылы туған ҚР азаматы ұсталды. Аталған азамат бірінші рет 2020 жылғы 14 қаңтар күні 00.43 сағатта жүк көлігіне тиелген 60 бас ірі қара малын алып өтпек болады. Құжатында 29 бас көрсетілгендіктен шекарашылар жолын кескен соң, екінші рет 2020 жылғы 14 қаңтар күні 01.14 сағатта жүк көлігіне тиелген 31 бас ірі қара малын алып қайтадан өтпек болып шекарашыларға ұсталды. Екінші рет ұсталу себебі құжатында 26 бас ірі қара деп көрсетілген.

шекара.jpg