Сұраныс бар жерде – ұсыныс бар

Газет мақаласы "Айқын" газеті №156

Өмір сүру деңгейін көтеруге бағытталған әлеуметтік жобаларды іске асыру «Қарашығанақ Петролиум Оперейтинг Б.В.» компаниясының негізгі басым­дық­тарына кіреді. Көмірсутек қоры бойынша әлемдегі ең ірі кен орнын игеретін консорциум өнімді бөлу жөніндегі негізгі келісіммен бекітілген өз міндеттемелерін бұлжытпай орындап жүр.

Сұраныс бар жерде – ұсыныс бар

ҚПО 1998 жылдан бері Орал маңын әлеуметтік дамытуға елеу­лі үлес қосуда. Содан бері өңірдің тарихы әлемдік стандарттар дең­гейінде орындалған нысандар құрылысымен тығыз байланысты. Нені, қайда және қашан салу облыс басшылығымен және жоба акционерлерімен бірлесіп ше­шіледі. Бұл сұраныстағы және өзекті жобаларды іске асыруға мүм­кіндік береді. Яғни, шын мәнінде, сұраныс бар жерде – ұсыныс бар.

«Орал» халықаралық әуежайы ғимаратын қайта салу дәл осын­дай құрылысқа жатады. Өткен ғасырдың жетпісінші жылдары салынған әуежайдың барлық өлшемі ескірген. Оның үстіне, 2014-2015 жылдары ұшу-қону жо­лағы қайта салынған болатын. Жаңа бетон төсем төселді және барлық типтегі заманауи ұшақ­тар­ды қабылдауға мүмкіндік бе­ретін жұмыстар жүргізілді. Осы­лайша, әуежай терминалын қайта салу кешенді жобаны іске асы­рудың жалғасы. Қажетті қаржыны «Қарашығанақ Петролиум Опе­рей­тинг Б.В.» компаниясы бөлді. Құрылыс компаниясы директо­рының орынбасары Нұркен Хайруллин атап өткендей, қазір демонтаж жұмыстары жүруде. Аэровокзал бұрынғыдан ұзындау және енділеу болмақ. Жертөле қабатында жаңа жинақтаушылар, Оралға қайтып келгенше қалды­рып кетуге болатын күзетілетін автотұрақ салынатын болады. Аббаттандыру жоспары бойынша саябақ пен жаяу жүру аумағын салу жобалануда. Яғни, бәрі жо­лаушылар және оларды шығарып салушылар мен қарсы алушыларға да қолайлы әрі жайлы болу үшін көзделіп отыр.

Еліміздің батыс қақпасы бол­ған облыс орталығының көліктік-логистикалық орналасуы тап осын­дай тәсіл мен көзқарасты та­лап етеді. Осыған орай, жол­дар­ды қайта құрастыру бағдарламасы қалыптастырылды. Небәрі бірне­ше жыл бұрын Орал маңын елі­міздегі жолдары ең нашар аймақ деп атайтын. Содан бері жағдай едәуір жақсарып келеді. Жол то­раптарын тәртіпке келтіруге кет­кен шығын орасан зор. Сон­дық­тан қанат жайған ауқымды жұмыстарды атқаруға Қарашы­ғанақ мұнай-газ конденсаты кен орны инвесторларының атса­лысуы аса бағалы. Бүгінде Орал­дағы көпір өткелін қайта құ­растыру – ең ірі инвестжобалар­дың бірі, тапсырыс берушісі ҚПО. Ондағы жұмыстар күрделі жөндеу аяқтала салысымен, яғни локомотивтік депо аумағындағы жаңа өтпежол құрылысы дереу басталып та кетті. Екеуі де Орал қаласы үшін стратегиялық ма­ңызға ие. Өйткені «ескі» қала мен оның жаңа құрылыстары арасын бөліп тұрған теміржол торап­та­рының үстімен өтеді.

Қайта құрастыру кезеңінде автомобиль қозғалысы басқа бағ­дарға ауыстырылды. Яғни авто­мобилистер белгілі бір қиын­дық­тарға тап болуда. Сондықтан әри­не, сапалық көрсеткіштерін төмендетпестен жұмыс мерзім­дері және оларды қысқартуға көпір салушылар баса назар ауда­рып отыр. Бірінші өтпежол жоба­ланғаннан бір жарым жылға ер­терек жөндеуден өтті. Қазіргі кезде, мердігер компания бас ди­ректорының орынбасары Төлеген Қарағойшиннің айтуын­ша, жұмыс кестесі жұмыстың аз ғана іркілісін, тоқтап қалуы не­месе баяулауын толығымен бол­дырмайтын есеппен жасалды және осының есебінен жұмысты мерзімінен бұрын аяқтауға бо­ла­ды. Салынып жатқан көпірдегі екі жолақты қозғалыс, бұдан бы­лай төрт жолақты болады. Екі жағынан қосымша жаяу жүру жолдары көзделген. Барлық демонтаж жұмыстары аяқталды, 10 қатар бағандар тұрғызылды. Өтпежолға кіреберіс жерлер са­лынуда және аралық бөрене­лерді монтаждау жүруде. Уақытылы құрылыс материалдары сатып алынды.

– Тапсырыс беруші тарапы­нан тұрақты бақылау жоба жос­парланған сәттен және құрылыс материалдарын сатып алғаннан басталады, – дейді бас директор­дың орынбасары. – Қауіпсіздік техникасы талаптарын, іске асы­ру сапасы мен мерзімдерін сақ­тау – ҚПО негізгі талаптарының бірі. Құрылыс алаңында компа­ния­ның тұрақты өкілі үнемі жү­реді. Бұл кез келген сұрақтарды не­месе туындаған мәселелерді уа­қытылы шешуге септігін тигі­зеді. Әрине, жоғары талаптар қыз­меткерлердің жоғары білікті­лігін қажет етеді. Бұл екі жаққа да пайдалы үрдіс. Өйткені нағыз ше­берлік алдағы жұмыстар үздік­сіз жүретініне сенім артуға мүм­кін­дік береді. Бүкіл ұжым ҚПО әріптестікті және өзінің іскерлік беделін қатты бағалайды.

ҚПО әлеуметтік объектілер тізбесіндегі жол құрылысына ба­сымдық беріледі. Тек облыс орта­лығында ғана емес, кезек шалғай жерлерге де жетті. Сонымен, қа­зіргі кезде Бәйтерек ауданы Белес ауылындағы автожол бөлігінде күрделі жөндеу жұмысы жүруде. Жоба бойынша жолдың және іргелес қосылатын жолдардың негізгі қабаты, жабынын салу көз­делген. Мердігер компания директоры Жанна Кенжинаның ойынша, Батыс Қазақстан облы­сының күрт құбылмалы климаты жағдайында жолдарға әсіресе, беріктіктің жоғары қоры керек. Бұл – тапсырыс берушінің негізгі талабы. Дегенмен мұнда да қауіп­сіздік техникасының ережелері мен нормаларын сөзсіз сақтауды, жұмыс кестесін қатаң сақтауды қажет ететін әбден қолданылған стандартты тәсіл. Пайдаланушы ұйым теңгеріміне жол үш жылдан кейін, яғни кепілдік мерзім аяқ­талғаннан кейін беріледі.

Жол жөндеу жұмыстары об­лыс орталығының екі бөлігінде биыл да жалғасатын болады.

Құрылыс қарқыны қашанда экономика дамуының барометрі болған және болып қала бермек. Қазақстан Тәуелсіздігінің 25 жыл­­дығына орай ашылған жаңа алаң Оралдың қарқынды өсіп келе жатқан солтүстік-шы­ғыс бөлігінің орталығына айна­лып келеді. Жеті гектардан астам жерді алып жатыр және архи­тек­туралық бірлікте орындалған бірнеше бөліктен тұрады. «Қа­ра­шығанақ Петролиум Оперейтинг Б.В.» компаниясы қаланың жаңа әкімшілік-мәдени орталығын салуға елеулі үлес қосты. Ауқымды және әбден пысықталған құры­лыстың соңғы нотасы бір жарым мың адамға есептелген көпфунк­циялы мәдениет сарайын пайда­лануға беру болмақ. Оның құ­рылысын да ҚПО қаржыланды­рып отыр. Алайда жұмыс енді басталғанымен, мердігер ұйым директоры Сергей Потиченко осындай орасан зор кешен бүкіл аймақтың мәдени деңгейін арт­тыруға септігін тигізеді деп се­неді. Өйткені оралдықтар алғаш рет шын мәніндегі жаппай көп­шілікке арналған іс-шаралар мен конценттер өткізуге мүмкіндік алайын деп отыр. Көрермендер залынан басқа, мұнда көрме залы, мәжілістер залы орналасатын бо­лады. Жоба бағандары мен ка­пительдері классикалық стильде орындалған.

– Біздің компания аса мол тәжірибеге бай, – дейді Сергей Александрович. – ҚПО ең сы­пайы, тәртіпті және ұқыпты тап­сырыс берушілердің бірі деп айта аламын. Құрылысшыларға қоя­тын жоғары талаптары сапаның халықаралық стандарттарына қол жеткізуге міндеттейді. Апта са­йын құрылыс алаңында ҚПО өкіл­дерінің төрағалығымен лез­демелер өткізіледі. Мұнда аста­р­лап айтқанда «уақытымызды салыстырамыз». Дәл осы ауданда ҚРО қаржыландыруымен тағы да екі нысан – салтанатты оқиғалар сарайы мен жастар мен оқушы­ларға арналған сарай салынды. Бұлар да күрделі жобалар еді, біз оны да табыспен аяқтадық. ҚПО 1999 жылдан бері жұмыс істеп келеміз, ары қарай да табысты әріптестікте болатынымызға се­нім білдіремін.

Консорциумның әлеуметтік саясатында адам денсаулығы басты құндылық деп жарияланған. Сондықтан дене шынықтыру мен спортты дамытуға арналған жо­балар да басымдық берілгендердің қатарында. Оралдықтар ҚПО тап­сырысымен салынған мұз айды­ны­мен, жабық теннис кор­ты­мен, қалпына келтірілген ста­дион­да­рымен мақтанады. Биыл шалғай­дағы Жәнібек және Жан­ғала ауылдарында денешы­нық­тыру-са­уықтыру кешендерінің құрылы­сы басталды. Жанғалдағы мердігер компанияның құрылыс жөніндегі директоры Жасұлан Мырзабо­латовтың ойынша ке­шеннің жо­басы дәл осы ауылды жерге өте қолайлы. Екі қабатты ғимараттың ішінде ойын, күрес және жеңіл атлетика спорт түр­лерімен шұғыл­дану үшін барлық қажетті жаб­дықтар болады. Жаттығу залында барлық жас­тағы адамдар денсау­лығын шынық­тыра алады.

ҚПО талап етілген әлеуметтік жобалардың қатарына аймақтың денсаулық сақтау мекемелерінің материалдық-техникалық база­сын жетілдіру жатады. Облыс ауру­ханалары мен емханалары са­лынуда, жөнделуде және за­манауи құрал-жабдықтармен жабдықталуда. Мәселен, қазір Оралдағы облыстық клиникалық аурухана аумағындағы №7 емха­нада жөндеу жұмыстары жүруде.

– Мердігерлерді таңдауда жер­гілікті өндірушілерді қолдау прин­циптерін ұстанамыз және әлеу­меттік жобалардағы жұмысқа тек қана қазақстандық компания­лар­ды тартамыз, – деді ҚПО әлеу­меттік-инфрақұрылымдық жоба­лар жөніндегі менеджері Самат Сәрсенғалиев. – Олармен өзара түсіністік бағытта әріптестік қа­рым-қатынастарды дамыту­дамыз. Сапалы құрылыс мате­риал­дарын қолдануды қадаға­лаймыз. Соны­мен бірге қазақ­стан­дық өнімдерге басымдық бе­реміз. Атқарушы билік пен жер­гілікті халықпен әріптестік мәселелеріне баса назар ауда­ры­лып отыр. «Қарашығанақ Пет­ролиум Оперейтинг Б.В.» бір­неше рет «Парыз» республикалық конкурс наградаларымен мара­пат­талды. Бұл дегеніміз – консор­циумның еңбегі мен аймақты тұрақты дамытудағы оның елеулі үлесін мойындау.

 

Серік ӘЛІМЖАН