«Астана су арнасының» 4 қызметкері жазатайым қаза болды

Бүгін Нұр-Сұлтан қаласында қайғылы оқиға тіркелді. «Астана Су Арнасы» мекемесінің 4 қызметкері жазатайым қаза болды. Бұл туралы Нұр-Сұлтан қаласының әкімі Бақыт Сұлтанов Facebook әлеуметтік желісіндегі парақшасында жазды.

«Астана су арнасының» 4 қызметкері жазатайым қаза болды
Фото: astana.gov.kz
«Өз атымнан және әкімдік атынан көз жұмған азаматтардың туыстары мен жақындарына қайғырып, көңіл айтамын. Қала әкімдігі барлық тиісті көмекті береді. Құзырлы орган өкілдеріне осы жағдай бойынша жан-жақты тексеруді тапсырдым», – деп жазды қала басшысы.
Алдын ала мәліметтерге қарағанда, олар метан газынан уланған. Оқиға елордадағы Оқушылар сарайының маңындағы құдықтардың бірінде болған.