Тұмауға қарсы тегін вакцина қашан салынады?

Ақмола облыстық тауар мен қызмет сапасын және қауіпсіздігін бақылау департаментінің мәліметінше, 1 қазаннан бастап Ақмола облысында тұмауға қарсы екпе салына бастайды.

Тұмауға қарсы тегін вакцина қашан салынады?
Фото: Интернеттен алынды

Тұмауға қарсы иммундық шараларды жүргізу үшін облыс аумағында 364 арнайы кабинет дайын. Тегін салу үшін 73 860 вакцина дайын тұр. Жалпы, 9000 екпе сатып алу үшін жергілікті бюджеттен 7 миллион 830 мың теңге бөлінген. Департаменттің мәліметінше, «Гриппол плюс» вакцинасының құрамында алдағы эпидемия маусымында жұғуы мүмкін А және В типті тұмау вирустарының инактивацияланған антигені бар. Тұмауға қарсы екпе алу үшін әр адам өзі тіркелген медициналық мекемеге жүгінуі керек».

Тұмауға қарсы екпені медицина қызметкерлері, 2-3 триместрдегі жүкті әйелдер, созылмалы аурумен диспансерлік есепте тұрған балалар мен ересектер, туғанына 6 айдан асқан жиі ауыратын нәрестелер, жабық мекемелер контингенті ала алады.