Боксшы қыздарымыз ӘЧ-да екі «қоланы» еншіледі

Бокстан Қазақстан әйелдер командасы Ресейдің Улан-Удэ қаласында өтіп жатқан Әлем чемпионатында екі қола медаль иеленді.

Боксшы қыздарымыз  ӘЧ-да екі «қоланы» еншіледі

ҚР Ұлттық Олимпиадалық комитеті таратқан мәліметке сәйкес, 64 келіге дейінгі салмақта сынға түскен Милана Сафронова жартылай финалда италиялық Анджела Кариниге есе жіберіп, ақтық сынға өте алмады. Ал 81 келіден жоғары салмақта жұдырықтасқан Дина Исламбекова қытайлық Ксиаоли Янгтен ұтылды.


Осылайша, бокстан Қазақстан командасы әлем біріншілігін екі қола жүлдемен аяқтады. Айта кетелік, Әлем чемпионтанына Қазақстан сапынан он спортшы қатысты. Ертең, 13 қазанда финалдық кезең өтеді.