Елеусінов Головкинмен бір бокс кешінде жұдырықтаспақ

Қазір Даниярға қарсылас іздеу үстінде

Елеусінов Головкинмен бір бокс кешінде жұдырықтаспақ

Қазақстандық кәсіпқой боксшы Данияр Елеусінов 25 мамыр күні өткізетін жекпе-жегінен бас тартты.

Спортшының менеджері Зия Әлиевтің айтуынша, қазақ боксшысы украиналық Александр Усик пен француз Карлос Такама арасында өтетін бокс кешінің андекартында жұдырықтасудан бас тартқан. Енді ол 8 маусым күні Головкин мен Стив Роллс арасында болатын кездесудің андеркартында өнер көрсетпек.

«25 мамырдың орнына 8 маусым күні Головкиннің бокс кешінде шығатын болдық. Он раундқа жоспарланған. Қазір қарсылас мәселесімен айналысып жатырмыз» деді Әлиев.

Еске салсақ, Головкин мен Роллс арасындағы жекпе-жек 8 маусым күні Нью-Йоркте Madison Square Garden аренасында болады. Аталған бокс кешінің андеркартында тағы бір қазақстандық боксшы – Әли Ахмедов та жұдырықтаспақ.