Баландин тағы да жүлдегер

Газет мақаласы Айқын газеті №73

Будапештте жүзуден әлемдік Champions Swim Series турының екінші кезеңі аяқталды. Қазақстандық Дмитрий Баландин 200 метрге брасс әдісімен жүзуден қола жүлде жеңіп алды.

Баландин тағы да жүлдегер

Баландин аталған қашықтықты 2:10,73 уақыт көрсеткішінде жүзіп өтіп, үздік үш­тікке енген. Әлемдік турнирдің бұл кезе­ңін­де ресейлік Антон Чупков тағы да көш бастаған. Оның уақыт көрсет­­­кіші – 2:08.23. Екінші орында 2:08,61 нәтижесімен жа­пон­дық Иппэй Ватанаба. Айта кетелік, тап осы жапондық спортшы 200 метрге брасс әдісімен жүзуден әлемдік рекордтың ие­ге­рі (2:06,67). Аралас эстафетада Дмитрий Баландин екінші рет қола медаль иеленді.

Енді Дмитрий Баландин әйгілі америкалық бапкер Дэйв Салоның қол астында жаттыға­тын болады. Сало әлемдегі ең табысты бапкер­лердің көшін бастайды. Аты аңызға айналған бапкер Баландинмен қатар Әділбек Мусин, Әділ Қасқабай есімді қазақ­стандық спортшы­ларға да тәлім үйретпек. Ол өз карье­расы барысында ондаған әлем чем­пионда­ры мен жүлдегерлерін және олимпиада ойындарының жеңімпаздарын тәрбиелеп шығарған.