Арман Оспанов ресейлік спортшымен жекпе-жекке шығып ауыр нокаутқа түсіп қалды (видео)

Бұл Арман Оспановтың карьерасындағы үшінші жеңілісі

Арман Оспанов ресейлік спортшымен жекпе-жекке шығып ауыр нокаутқа түсіп қалды (видео)

Қазақстандық аралас жекпе-жек шебері Арман Оспанов Мәскеуде ресейлік Алексей Полпудниковқа қарсы шығып, нокаутпен жеңіліп қалды.

Кездесу 27 қыркүйек күні «ВТБ Аренадағы» Absolute Championship Akhmat 99 турнирі аясында өтті. Екінші раундтағы Полпудниковтың үсті-үстіне жасаған шабуылынан кейін рефери кездесуді тоқтатты.

Бұл Арман Оспановтың карьерасындағы үшінші жеңілісі. 29 жастағы қазақ жігіті ММА-да 9 жеңіске жеткен болатын. Ал 27 жастағы Полпудников болса карьерасында 28 рет жеңіске жетіп, 2 рет жеңіліп, бір мәрте тең түскен.

Еске салсақ, осыған дейін Оспанов пен Полпудников екі рет кездескен. 2013 жылдың тамыз айында Оспанов нокаутпен жеңсе, екінші жекпе-жекте ресейлік спортшы дау-дамайлы шешіммен жеңіске жеткен еді.