Өзбекстаннан Ыстықкөлге жолаушылар пойызы жүре бастайды

Маусым айының 6-ынан бастап Ташкент – Бішкек – Балықшы (Ыстықкөл) бағытында халықаралық жолаушылар пойызы жүре бастайды. Бұл туралы Өзбекстан темір жолдарының баспасөз қызметі хабар таратты.

Өзбекстаннан Ыстықкөлге жолаушылар пойызы жүре бастайды
Фото: Интернеттен алынды

Өзбекстан мен Қырғызстанның арасында туризмді дамыту мақсатында ұйымдастырылған маусымдық пойыз Қазақстан аумағы арқылы өтеді. Пойыз «Ташкент» орталық теміржол вокзалынан әр бейсенбі сайын 20:50 сағатта шығып, бір тәуліктен соң, яғни жұма күні сағат 20:29-да Ыстықкөлдегі «Балықшы» вокзалына жетеді. Кері бағытта сенбі күні сағат 01:59-да жолға шыққан пойыз жексенбі күні Өзбекстан астанасына таңғы   05:00 сағатта жетеді.

Халықаралық бағыттағы пойыз біздің елдің   «Сарыағаш», «Арыс-1», «Шымкент», «Манкент», «Түлкібас», «Абайыл», «Боранды», «Жамбыл», «Луговая», ал Қырғызстанның   – «Мерке», «Чальвадар», «Қойыңды», «Қарабалта», «Беловодск», «Тоқмақ», «Бішкек-2» стансаларын басып өтеді.

«Узбекистон темир йуллари» таратқан ақпарда плацкарт вагондағы билет құны $35, вагон-купедегі билет – $48, ал вагон-люкстегі баға –$94 деп белгіленген.