Осы уақытқа дейін вагонда тұрып келген жалғызбасты, көпбалалы әке Санжар Абылаевқа 5 бөлмелі үйдің кілті табысталды.
Бұл қуанышты жаңалықты белгілі әнші Сәкен Майғазиев жеткізді.
«Білесіздер ме, Санжар бала күнінде көршілерінің балаларын арқалап жүреді екен. Сол қамқор жүрек қалай лайлансын?! Кейде жалғыз ұлдарының жап-жаңа киімдерін беріп жіберсе, алмай қайтарады екен. Сонда таңданған мұғалімдер «неге заттарды алмайсыз?» десе, «сіздер менің балаларымды алып қояйын» деп жүрсіздер. Мені ажыратпаңдаршы» деп жылапты… Міне, жүрек! Санжар азаматтың балаларына деген махаббаты талайға үлгі болсын. Әсіресе мүгедек бала туған асыл жарларын тастап кететін әкелерге…Әрине, біз біреудің тағдырын таразыға салатын құзіреттен адамыз. Бәріміз пендеміз. Уақытша берілген өмірдің қонағымыз. Ең бастысы, еліміз аман болсын! Санжардың баспанасы құтты болсын!», – деді Сәкен Майғазиев.
Қайырымды іске айтыскер ақын Айнұр Тұрсынбаеваның қайырымдылық қоры атсалысты. 100 шаршы метр жеке жер үйдің ішінде барлық жағдай жасалған.
«Қазақ – жомарт халық, еш шеттеткен жоқ. Рақмет сіздерге, Алла разы болсын», – дейді көзіне жас алған көпбалалы әке Санжар Абылав.
https://www.youtube.com/watch?v=Oad0IgNt_5k&ab_channel=%D0%90%D0%B9%D0%BD%D2%B1%D1%80%D0%A2%D2%B1%D1%80%D1%81%D1%8B%D0%BD%D0%B1%D0%B0%D0%B5%D0%B2%D0%B0%2F%D0%90%D0%B9%D0%BD%D1%83%D1%80%D0%A2%D1%83%D1%80%D1%81%D1%8B%D0%BD%D0%B1%D0%B0%D0%B5%D0%B2%D0%B0
