АҚШ-та 1953 жылдан бері әйелге қатысты алғашқы өлім жазасы жүзеге асырылды, деп хабарлайды Deutsche Welle.
Лиза Монтгомериге қатысты өлім жазасын іске асыру бірнеше жылдан бері шегеріліп келген. Ол өлім жазасына 2004 жылы жүкті әйелді қатыгездікпен өлтіргені және баласын ұрламақ болғаны үшін кесілген болатын.
Жаза өткен жылдың 8 желтоқсанында Индиана штатында іске асыруылы тиіс болған. Алайда жазаланушының психикалық жағдайына байланысты жазаны 12 қаңтарға шегеру жөнінде шешім шығарған болатын.
Жазаны орындау үшін Монтгомериге соңы өлімге әкелетін инъекция егілді. Ол бүгін жергілікті уақыт бойынша 01:31 сағатта көз жұмды.
